ချင်းပြည်ကအပင်များ. နံသာနီပင်နဲ့ ရွေးကြီးပင်

ချင်းပြည်ကအပင်များ.
နံသာနီပင်နဲ့ ရွေးကြီးပင်
တနေ့က ဌာနက ဆရာလေး ဦးဗန်ဗျတ်လွယ်က နံ့သာနီပင် အပင်ပေါက်လေးတွေရနိုင်တယ် ဆရာ ရွာမှာ အပင်ပေါက်တပင် ၁၀၀၀ ကျပ်ဆိုပြီး ဖုံးဆက်လာပါတယ်။ နံ့သာနီပင်ဆိုတာ အလွန်ရှားလှတာမို့ ၃ ပင်ဝယ်ခဲ့လို့ ခိုင်းလိုက်မိတယ်။ ဌာနမှာစိုက်ရအောင်လို့လေ၊ နောက်ရက် အပင်ပေါက်လေးတွေရောက်လာတော့ နံ့သာနီပင်မဟုတ်ဘဲ ရွေးကြီးအပင်ပေါက်လေးတွေဖြစ်နေတာကို တွေ့ရတယ်။ ဒီဖက်အရပ်က ရွေးကြီးနဲ့နံ့သာနီကို ရောထွေးနေတာတွေ့ရပါတယ်။ ရွေးကြီးပင်ရဲ့ သိပ္ပံအမည်က Adenanthera pavonina L., Sp.Pl.384.1753. ဖြစ်ပြီး မျိုးရင်းက ကုက္ကိုမျိုးရင်း Mimosaceae ထဲကပါ၊ မြန်မာလို ရွေးကြီး ခေါ် ရွေးနီလို့ခေါ်ပြီး English name အားဖြင့် Coral wood bead tree ခေါ်ကြပါတယ် ပန်းပွင့်ချိန်က August. ကနေ December လအထိပါ၊ အပင်ကြီးမျိုးဖြစ်ပြီး အကိုင်းအခက်တွေက ရင့်မာလာရင် ၀ါညိုရောင်သန်းလာပါတယ်၊ အရွက်က ၂ ဆင့်ငှက်မွှေးရွက်ပေါင်းဖြစ်ပြီး ရွက်မွှာ ၄ ခုကနေ ၁၁ ခုအထိပါတတ်ပါတယ် ထူး ခြားချက်ကိုပြော ရင်ရ ရွက်မွှာအရင်းလေးတွေက မညီကြပါဘူး။ ပန်းခိုင် ကြားထွက် ထိပ်ထွက် spiciform raceme ပုံစံပါ ၊ ရင့်မာခြင်းကိုလိုက်ပြီး အ၀ါရောင်ကနေ အဖြူရောင်ပြောင်းတတ်ပါတယ်၊ ပန်းပွင့်လေးတွေကတော့ အရမ်းသေးငယ်လှပြီး ပန်းခိုင်တခုမှာ ရေတွက်မရလောက်အောင် များစွာပါပါတယ်။ ပွင့်ဖတ် ပွင့်ချပ် ၅ ခုစီပါပေမဲ့ ၀တ်ဆံဖို ၁၀ ခုထဲပါတာကလည်းထူးခြားလှတယ်၊ အသီးကတော့ပုံမှာပြထားတဲ့အတိုင်း linear-falcate ပုံစံပါ။ ရင့်မဲ့ရင် တွန့်လိမ်ပြီး အက်ကွဲပါတယ်။ အစေ့က အသီးတောင့် တခုမှာ ၈ စေ့ကနေ ၁၀ စေ့အထိပါပါတယ် ။ အသီးအညှာကထင်ရှားလှတယ်၊ အစေ့အရောင်ကတော့ စွဲမက်ဖွယ် scarlet -red colour ပါ။ ရွေးကြီးပင်ဟာ Myanmar, India, Thiland, Malaysia, China, Ceylon , Tropical Asia မှာမှာ ပေါက်တယ်လို့ Dassanayake 1980 ရဲ့ Flora of Ceylon. ထဲမှာဖော်ပြထားပါတယ်၊ အသုံးပြုပုံအနေနဲ့တော့ အနီရောင်ဆိုးဆေးကို သစ်သားမှထုတ်ယူနိုင်တယ်လို့ဆိုပါတယ်။ လူတိုင်းသိတဲ့အချက်တခုကတော့ရွေးကြီးစေ့ကို ရွှေချိန်တဲ့နေရာမှာသုံးတာပါဘဲ။ မလေးမှာတော့ ဒီအပင်ကို saga လို့ခေါ်ဝေါ်ကြပါတယ်။ အရှင်နာဂသိမ်ဆေးကျမ်းတွင်မူ အစေ့မှုန့်ကိုလိမ်းသော် အနာအဖုများအမြန်မှည့်၏ အရွက်ပြုတ်ရည်သည် အဆစ်အဆက်တို့၌ဖြစ်သော လေ ၀ါတရက်နာ ခါး၌ဖြစ်သော လေတို့ကိုပျောက်စေ၏ ပြုတ်ရည်ကို ကြာရှည်စွာသောက်ခဲ့သော် ကာမအားကိုတိုးစေ၏ ထို့ပြင်အူတွင်ဖြစ်တတ်သော သွေးယုစီးခြင်း ဆီးနဲရော သွေးပါခြင်းတို့ပျောက်ကင်းစေ၏ လို့ရေးသားထားတာမှတ်သားရပါသည်၊
တကယ်တော့ ရွေးနီပင်နဲ့ နံ့သာနီပင် ကို လွဲမှားနေခြင်းက အဆန်းတော့မဟုတ်လှပါ ဆရာတော်၏ ကျမ်းထဲမှာပင် ထို ၂ ပင်ကို လွဲမှားခဲ့ဖူးကြောင်း ရေးသားဖော်ပြ ထားပါတယ်။ နံ့သာနီပင်အမှတ်နဲ့ဝယ်လာတဲ့ အပင်ဟာ တကယ်တန်းကြတော့ ရွေးပင်ဖြစ်နေတာကိုလည်း ဆရာတော်ကရှင်းပြထားပါတယ်။ ရွေးနီကို သက္ကတ ဘာသာစကားဖြင့်ရက္ကသာရ ခေါ် အနှစ်အနီပင် ရတ္တဗီဇ ခေါ် အစေ့နီပင် ဖော်ပြထားပါတယ်။ ထို့အတူ နံ့သာနီပင်ကိုလည်းရက္ကသာရ ၊ ရတ္တဗီဇ လို့ သ္ကတ ဘာသာစကားဖြင့်ဖော်ပြထားရာ ဤ ၂ ပင်သည် အတူတူပင်လို့ ရောထွေးနိုင်ပြန်ပါတယ်။်
တကယ်တော့ နံ့သာနီပင်သည် ပိတောက် မျိုးနွယ်Family Fabaceae သာဖြစ်ပြီး သိပ္ပံအမည်မှာ
ေPterocarpus santalinus L., ဖြစ်ခါ Red sandalwood. လို့ သိကြပါတယ်၊ အများအားဖြင့် India မှာဘဲရှိတတ်ပြီးစံနစ်တကျထိမ်းသိမ်းထားခံထားရတဲ့အပင်ပါ။ အခြားနိုငိငံတွေကိုအသယ်မခံပါဘူး။ အပွင်ပုံစံက တကယ့်
ွ့ပိတောက်ပန်းနဲ့တူနေပါတယ်၊မသိရင် ပိတောက်ပင်ပါဘဲ။ အရာအားလုံး အတော်များများ တူနေသော်လည်း ရွက်မွှာအရေအတွက် ကွဲပြားပါသည် ပုံမှာကြည့်ပါ နံ့သာနီမှာ ရွက်မွှာ ၃ ခုသာပါသည်ကိုမြင်နိုင်မှာပါ။ ပုံကို Fame ကထုတ်တဲ့ medicinal plants စာအုပ်ထဲက ယူထားပါတယ်။ ဒီအပင်ရဲ့ native ကတာ့ India နိုင်ငံကပါ။ နီပေါနိုင်ငံမှာတော့ sandlewood ဟာ အကျိုးအမြတ်များစေသော မှောင်ခိုကုန်စည်တမျိုးလည်းဖြစ်နေပါတယ်။ နှစ်စဉ် တရုပ်ဖက်ကို မှောင်ခိုတင်သွင်းနေတာလည်း ဖြစ်ပါတယ်၊ သမိုင်းကြောင်းမှာတော့ တရုပ်ပြည် ming နှင့် Qing မင်းဆက်ကတည်းက အသုံးပြုခဲ့တယ်လို့သိရပါတယ်။ ဟိန္ဒူဘာသာဝင်များကတော့ ဒီအသားဟာ ရိုးရာအရ အလေးအမြတ်ထားရသော သစ်သားလို့ ဆိုနိုင်ပါတယ်။ ဘုန်းကြီးများနှင့် ဇတ်မြင့် ဟိန္ဒူလူမျိုးများသာ အသုံးပြုကြပြီး ဘာသာရေးဆိုင်ရာ ပွဲတွေမှာ အထူးအလေးထားအသုံးပြုကြတာပါ။ India ဖက်ကလာတဲ့ နံ့သာနီ အသားတွေထဲမှာ တခါတလေ ရွေးကြီး ပင်ရဲ့အသားများရောထွေးပါလာတတ်တယ်လို့ မိတ်ဆွေတဦးကပြောပြပါတယ်။ သစ်သားကို ၀ါဂွမ်းစနဲ့ပွတ်ဆွဲကြည့်ရင် အနီရောင်သန်းနေတတ်ပြီး စူးရှရနံ့ပြင်းတယ်ဆိုပါတယ်၊ ရွေးကြီးသားမှာ အဲဒီသတ္တိ မရှိပါဘူး။ ဒီအသားကိုရေစိမ်ရင်လည်း အနီရောင် အရည်များထွက်ပါတယ်။ တန်ဖိုးကြီးလွန်းလှတဲ့ ဒီသစ်သားကြောင့် ဒီအပင်ဟာ ခုတ်ယူသတ်ြုဖတ်ခြင်းခံနေရပြီး Endangered species အဖြစ်သတ်မှတ်ခြင်းခံထားပါတယ်။ ဒါ့ပြင် ဈေးအလွန်တန်ပါတယ် တိုင်းရင်းဆေးဖေါ်စပ်ရာမှာ အရေးပါသော ဆေးဝင်ပစည်း တခုပါဘဲ။ ကလေးတက္ကသိုလ် ရောက်စက မိတ်ဆွေတွေအမှာဆုံးပစ္စည်းတခုကတော့ နံ့သာဖြူ ယပ်တောင်ဖြစ်ပြီး တခြောင်းကို အနဲဆုံး ၂၀၀၀၀ ကနေ ၃၀၀၀၀ လောက်တန်တာမို့ ခတ်မဆိပ်နေရပါတယ်။ လစာနဲ့မလောက်တော့ ဈေးမေးပြီး အခြားဟာလေးတွေပေးရတာပေါ့။ နံ့သာနီ နဲ့ နံ့သာဖြူက အပင် မတူပါဘူး။ နံ့သာယပ်တောင် မောင့်လက်ဆောင်တော့ ပေးခြင်ပါတယ်ကွယ်