မေးခွန်း( ၁၄ )

Hla Hla Win"မေးခွန်း( ၁၄ )"…………………………အဘိဓမ္မာ ဒုတိယဆင့် အောင်မြင်ပြီးတဲ့ သင်တန်းသူတစ်ဦးက နိဗ္ဗာန်ဆိုင်ရာ မေးခွန်းပဲ မေးထားပါတယ်ဘုရား။"အနုပါဒိသေသ နိဗ္ဗာန်သို့ ဝင်စံတော်မူပြီးကြကုန်သော မြတ်စွာဘုရားအဆူဆူ၊ ရဟန္တာပုဂ္ဂိုလ်မြတ်များ၏ ဓာတ်သဘာဝများသည်ယခုထက်တိုင် ကျန်ရှိနေသေးတယ်ဆိုတာကို သိချင်ပါတယ် ဘုရား။"ဖြေဆိုခြင်း"……………………ကျန်ရှိနေသေးတယ်ဆိုတာနဲ့ ပတ်သက်ပြီး အနုပါဒိသေသ နဲ့ ဥပါဒိသေသ ကို ရှင်းကြည့်ရအောင်။"ဥပါဒိ" ဆိုတာ ဘာကိုပြောတာတုံးဆိုတော့ ကံတို့၊ ကိလေသာတို့က အကျိုးအဖြစ် ရယူထားတဲ့အရာ။ကံတွေ၊ ကိလေသာတွေက ထုတ်လုပ်ထားတဲ့ အကျိုးတရားတွေကို "ဥပါဒိ" လို့ ပြောတာ။ဆိုပါစို့။ဘုရားအလောင်း မဟာဗောဓိပင်အောက်မှာ အရဟတ္တမဂ်၊ အရဟတ္တဖိုလ်ဉာဏ်ကိုရပြီး ဘုရားဖြစ်တဲ့အချိန် မြတ်စွာဘုရားရဲ့သန္တာန်မှာ အစမထင် သံသရာကနေ ကိန်းလာတဲ့ ကိလေသာတွေ လုံးဝဖယ်ရှားပြီး ဖြစ်သွားတယ်။သို့သော် ဘာကျန်နေသေးတုံးဆိုလို့ရှိရင် ထိုကိလေသာတွေကနေထုတ်လုပ်ထားတဲ့ခန္ဓာ ကျန်နေတယ်။အဲဒါကို "ဥပါဒိသေသ" လို့ ခေါ်တယ်။"ဥပါဒိ" ဆိုတာ ကံ၊ ကိလေသာ အကြောင်းတရားတွေကနေ ထုတ်လုပ်ထားတဲ့ အကျိုး၊"သေသ" ဆိုတာ ကျန်နေတယ်၊ remain ဖြစ်နေတယ်လို့ ဆိုလိုတယ်။အဲဒီ remain ဖြစ်နေတဲ့အချိန်မှာ ရထားတဲ့နိဗ္ဗာန်ကို"ကိလေသ နိရောဓ"ကိလေသာ ငြိမ်းသွားတာပဲရှိတယ်။ ကိလေသာရဲ့ အကျိုးဆက်ခန္ဓာ မငြိမ်းသေးဘူးလို့ ပြောတာ။ဆိုပါစို့။ ထမင်းချက်ပြီးတဲ့အခါ မီးကိုငြှိမ်းလိုက်တယ်။ မီးတော့ မရှိတော့ဘူး။ ဒါပေမယ့် ထမင်းရှိနေတယ်၊အကျိုးဆက် ရှိနေသေးတယ်။ သို့မဟုတ် အပူငွေ့ ရှိနေသေးတယ်လို့ပြောလို့ရသလိုပဲပေါ့။ သူ့ရဲ့အကျိုးဆက်ရှိနေသေးတယ်လို့ဒီလိုပြောတာ။"သဥပါဒိသေသ" နိဗ္ဗာန်ဆိုတာ ကိလေသ နိရောဓ၊ကိလေသာတွေ ငြိမ်းသွားတဲ့ နိဗ္ဗာန်။အဲဒီကနေ မြတ်စွာဘုရား (၄၅)ဝါ ကာလပတ်လုံး တရားဓမ္မတွေ လှည့်လည်ဟောတာ။ နောက်ဆုံး သက်တော်(၈ဝ) ရှိတဲ့အခါ ကုသိနာရုံအင်ကြင်းမြိုင်မှာ မြောက်ဘက်ကို ဦးခေါင်းထားပြီးတော့ အနောက်ဘက်ကို မျက်နှာမူလိုက်တယ်။ နေဝင်တဲ့ဘက်ကို မျက်နှာမူတယ်။မြောက်ဘက်ကို ဦးခေါင်းထားလိုက်ကတည်းက မျက်နှာက အနောက်ဘက် ရောက်သွားပြီ။ လက်ယာဘက် စောင်းအိပ်တာကိုး။ လက်ယာဘက်နှင့် လျောင်းသည့်အတွက်ကြောင့် နေဝင်တဲ့ဘက်ကို ကြည့်ပြီးသား ဖြစ်သွားတယ်။ ဘုရားပွင့်တော်မူတုန်းက အရှေ့ဘက်ကို ကြည့်ပြီးပွင့်တာ။ ဘယ်လိုအဓိပ္ပာယ်ရှိတုံးဆိုတော့ အရှေ့ဘက်က နေထွက်တာ။ ကမ္ဘာကြီးကိုအလင်းရောင်ပေးဖို့ နေဟာ အရှေ့က ထွက်ပေါ်လာတာ။ အနောက်ဆိုတာက နေဝင်ပြီး အလင်းရောင် ချုပ်ငြိမ်းသွားတဲ့ နေရာပဲ။ အဲတော့ မြတ်စွာဘုရားဟာ သူ ပရိနိဗ္ဗာန်စံသွားလျှင် တရားဓမ္မအလင်းကြီး ပျောက်ကွယ်တော့မယ်။ နေမင်းကြီးဟာ ဝင်တော့မယ် ဆိုတဲ့ အဓိပ္ပာယ်ကိုပြသွားတယ်လို့ တွေးကြည့်ရတာပေါ့နော်။ မြတ်စွာဘုရားမှာကိလေသာတွေ လုံးဝချုပ်ငြိမ်းပြီး ခန္ဓာက Remain ဖြစ်နေတယ်။ ရုပ်နာမ် ခန္ဓာနှစ်ခုဟာ အကြောင်းငြိမ်းသွားသည့်အတွက်ကြောင့် မဆက်တော့ဘူး။အကြောင်းဆိုတာ ဥပမာ မီးတောက်လေးကို ကြည့်ပေါ့။ ဆီမီးတောက်လေးကို ကြည့်မယ်ဆိုရင် ဆီကလည်း ရှိနေသေးတယ်။ မီးစာကလည်း ရှိနေသေးတယ်။ ဒီ (၂)ခု ရှိနေသေးလျှင် ဆက်ပြီးလောင်နေမှာပဲ။ နောက်ဆုံးကျတော့ဆီလည်း ခမ်းသွားတယ်။ မီးစာလည်း ကုန်သွားတယ်။ ကုန်သွားရင် မီးတောက်လေး ငြိမ်းသွားမယ်၊ အဲဒီမီးတောက်ကလေး ငြိမ်းသွားတာကိုစဉ်းစားကြည့်ပေါ့။ ဘယ်ရောက်သွားတယ်လို့ ပြောလို့ရမလဲ။ ဘယ်ရောက်သွားတယ်လို့ ပြောလို့မရဘူး။ အကြောင်းတွေ ကုန်သွားလို့ မီးတောက်ဆိုတဲ့ အကျိုးတရားလေးဟာကုန်ဆုံးသွားတယ်။ ဒီလိုပဲ ပြောလို့ရမှာပေါ့။"အနုပါဒိသေသ နိဗ္ဗာန်" ဆိုတာ အဲဒါမျိုး ပြောတာ။ လောင်စာတွေ ဘာမှ မရှိတော့ဘူး။ အကြောင်းတရားတွေအားလုံး ရပ်သွားလို့ အကျိုးဆက် ပျက်သွားတာဟာ "အနုပါဒိသေသ နိဗ္ဗာန်"၊အဲဒီနိဗ္ဗာန်မှာ ကျန်စရာဆိုလို့ ဘာရှိဦးမလဲ။ ဘာမှမရှိဘူး။ဘာမှမရှိတာကို ကြံဖန်ပြီးတော့ ဂေါတမ မြတ်စွာဘုရားဟာ နိဗ္ဗာန်မှာ ရှိနေသေးတယ်ဆိုလျှင် စာအုပ်တစ်အုပ်ထဲရေးထားတဲ့အတိုင်းဖြစ်မယ်။ "တစ်ညမှာ သူအိပ်နေတဲ့အခန်းတံခါး လာခေါက်တယ်။ ထွက်ကြည့်လိုက်တော့ ဂေါတမ မြတ်စွာဘုရား ဖြစ်နေတယ်" တဲ့။ (ရယ်သံများ) တချို့ရဲ့ အယူအဆတွေက အဲဒီလို ရှိတယ်။မြတ်စွာဘုရားကိုယ်တိုင်က ဒုက္ခတွေ ချုပ်သွားပါပြီလို့ ပြောတာ။ ပြီးတော့ ဘုရားက သုတ္တန်တွေမှာ ဟောထားတဲ့"အပ္ပညတ္တိကော" တဲ့၊ခေါ်စရာမရှိတော့ဘူးလို့ ပြောတာ။အဲဒါကို တချို့က ယောင်မှားပြီး အဲဒါဟာ ဥစ္ဆေဒဒိဋ္ဌိ မဖြစ်ဘူးလားတဲ့။ဥစ္ဆေဒတို့၊ သဿ တတို့ ဆိုတာ အတ္တကို ကိုင်စွဲပြီး ပြောတဲ့စကားတွေ။"အတ္တ" ရှိနေတယ်ဆိုတဲ့ အယူကို ယူပြီးတော့ ပြောတဲ့အခါ ဥစ္ဆေဒ နှင့် သဿ တ က ပြောလို့ရတယ်။ ဥစ္ဆေဒ၊ သဿ တ ဆိုတာ "အတ္တဒိဋ္ဌိ" ကနေ ပေါက်ဖွားလာတဲ့ အယူအဆတွေသာ ဖြစ်တယ်ပေါ့။ ဒါနဲ့မဆိုင်ဘူး။အင်္ဂုတ္ထိုရ်က သုတ္တန်တစ်ခုမှာ ဥစ္ဆေဒဒိဋ္ဌိသမားဟာနိဗ္ဗာန်နဲ့ အလွန်နီးတယ်လို့ဟောထားတာရှိတယ်။ဘာဖြစ်လို့လဲဆိုတော့ သူလည်း ချုပ်ငြိမ်းတယ်ဆိုတာကို ယူဆတာကိုး။ အဲဒါကြောင့် နိဗ္ဗာန်နဲ့ နီးစပ်တယ်လို့ ပြောတာ။သို့သော် သူက အကြောင်းမရှိဘဲနဲ့သက်သက် သူ့အထင်နဲ့တင် ချုပ်နေတာ ဖြစ်သည့်အတွက်ကြောင့် အမှန်တရား မဟုတ်ဘူး။ အကြောင်းချုပ်မှချုပ်တဲ့ အချုပ်ကမှ တကယ် အစစ်အမှန်။ဆိုလိုတာက အကြောင်းပျက်အောင် လုပ်ရမယ်။ အကြောင်းပျက်သွားလျှင် အကျိုးပျက်သွားတယ်လေ။ ဒါမှ မှန်တယ်။ဘယ်မှ မေးမနေနဲ့လေ။ ဆီမီးခွက်ကလေး၊ ဖယောင်းတိုင်ကလေး ထွန်းကြည့်၊ ဖယောင်းဆီလေးလည်း ရှိနေမယ်၊ မီးစာလေးလည်း ရှိနေမယ်ဆိုလျှင် မီးတောက်ကလေး ရှိနေမှာပဲ။ ဖယောင်းဆီလည်း ကုန်သွားပြီ၊ မီးစာလည်း ကုန်သွားပြီဆိုလျှင် မီးတောက်ကလေး ငြိမ်းသွားမှာပဲ။နိဗ္ဗာန်ရဲ့သဘောကအဲဒါလိုပဲ။ သံသရာရဲ့သဘောက ဖယောင်းဆီတွေ ထည့်ထည့်ပေးနေတာနဲ့တူတယ်။ လောင်စာတွေ ထပ်ထည့်ပေးနေလျှင် ဆက်လောင်နေတယ်ပေါ့။ အဲဒီ မီးတောက်ကလေး ငြိမ်းသွားသလိုပဲ နိဗ္ဗာန်ဆိုတာ အဲဒီလို ငြိမ်းသွားတာ။လောကလူတွေက လောဘနဲ့ တွေးတာကိုး။ ချုပ်ငြိမ်းသွားတယ်ဆိုလျှင် ကြောက်စရာကြီးလို့ တွေးထင်တာ။ ဘဝတဏှာက ရှိနေတာ။ ဆက်လက်ဖြစ်နေတာကို လိုချင်တာဆိုတော့ မဖြစ်တော့ဘူးဆိုတဲ့ နိဗ္ဗာန်ဟာ ကျောချမ်းစရာကြီး ဖြစ်သွားတယ်။ဒါကြောင့်မို့ မြတ်စွာဘုရားက ဒုက္ခလို့မြင်အောင် ကြည့်ခိုင်းတာလေ။ ဒုက္ခဆိုတဲ့ နာမည်ဆိုးနဲ့ ပေးထားတာ၊ နာမည်ဆိုးကို ကျကျနန နားလည်သွားလို့ရှိရင် မလိုချင်တော့ဘူး။ မလိုချင်ရင် "နိဗ္ဗိန္ဒတိ" ဆိုတာ ဖြစ်လာတယ်။ "နိဗ္ဗိန္ဒတိ" ဆိုတာ ဝိပဿ နာဉာဏ် ဖြစ်တာကိုပြောတာ။"ဝိမုစ္စတိ" ဆိုတာ တဏှာမှ လွတ်သွားတာကို ပြောတာ။ တဏှာကင်းသွားတာနဲ့ ဝိမုစ္စတိ လွတ်သွားတယ်။ အဲဒီလို အလွတ်မျိုးလို့ ဆိုလိုတယ်။ဘယ်က လွတ်သလဲဆိုတော့ တဏှာက လွတ်သွားတာ။တဏှာက ကင်းလွတ်သွားပြီဆိုလျှင် ဘယ်ကလွတ်သလဲဆိုတော့ ဒုက္ခက လွတ်တယ်။အဲဒါကိုပဲ နိဗ္ဗာန် လို့ အဓိပ္ပာယ်ရပါတယ်။အဲဒီတော့ ဘဝကို လိုချင်နေသမျှ ကာလပတ်လုံး တဏှာရှိတယ်၊ အတွယ်အတာရှိတယ်။ပုဂ္ဂိုလ်တွေရဲ့ရှုထောင့်က ကြည့်မယ်ဆိုလျှင် နိဗ္ဗာန်ဟာ ကြောက်စရာကြီးပဲလို့ မြင်နေဦးမှာပဲ။ဒုက္ခကို ဒုက္ခလို့ သေချာမြင်လာပြီဆိုတဲ့ ပုဂ္ဂိုလ်ကျတော့ မရှိတာဟာ အေးချမ်းတယ်လို့မြင်လိမ့်မယ်။ မရှိတဲ့ အေးချမ်းခြင်းကို "သန္တိသုခ" လို့ခေါ်တယ်။ရှိနေတဲ့ ဒုက္ခက အများကြီးကို။ မရှိတော့ဘူးဆိုလျှင် အေးချမ်းတာဟာ "သန္တိသုခ" ပဲ။အရှင်သာရိပုတ္တရာမိန့်ကြားထားတဲ့စကားလေးတစ်ခုက"သုခမိဒံ အာဝုတော ယဒိဒံ နိဗ္ဗာနံ"- ငါ့ရှင်တို့၊ ဟောဒီ နိဗ္ဗာန်ဟာ သိပ်ချမ်းသာတယ် လို့ အဲဒီလိုပြောတာ။အဲဒီတော့ ဥဒါယီ ဆိုတဲ့ ကိုယ်တော်က ထောက်တယ်။"အရှင်ဘုရား၊ နိဗ္ဗာန်မှာ ခံစားတာ မရှိဘူးမဟုတ်လား၊ ဘာဖြစ်လို့ ချမ်းသာတယ်လို့ ပြောရပါသလဲ" ဆိုတော့ အရှင်သာရိပုတ္တရာက ပြန်ဖြေတယ်။"အဲဒီလို ခံစားမှု မရှိတာကိုက ချမ်းသာတာ" တဲ့။ခံစားမှု ရှိနေသေးလျှင် မချမ်းသာဘူးတဲ့။ဟုတ်တယ်။ ခံစားတယ်ဆိုတာ ပြောင်းလဲနေတတ်တယ်။ ပြောင်းလဲမှုတွေနဲ့ ကြုံနေရမှာပဲ။ အဲဒါကြောင့်မို့နိဗ္ဗာန်ရပြီးတဲ့နောက်မှာ ဘာရှိသေးတယ်၊ ညာရှိသေးတယ်နဲ့ ထပ်တွေးနေစရာ မလိုပါဘူး။အဂ္ဂမဟာပဏ္ဍိတ အရှင်နန္ဒမာလာဘိဝံသ(Ph. D)ဓမ္မဗျူဟာ သင်တန်းသားများ၏မေးခွန်းများကိုဖြေဆိုခြင်းမှ ကူးယူပူဇော်ပါသည်။………………………………………………………………………