ကလေးတွေရဲ့မေးခွန်း(အောင်သင်း)
မေး ။ ။ ဆရာ ဆေးဝါးဆိုတာကို ကျွန်တော်တို့ နားလည်ကြပါတယ်။ ဒါပေမယ့် ဆေးဆိုတာက ထားပါတော့။ ဝါးက ဘာဖြစ်လို့ ပါလာတာလဲ။ ဆေးဝါးထုတ်လုပ်ရေးလို့
ဝါးကို ထည့်ပြီး ဘာကြောင့်ရေးတာလဲ။ ဝါးက ဘာအဓိပ္ပာယ်ရှိလို့လဲ။
ဖြေ ။ ။ အေးကွယ့်၊ မေးထိုက်တဲ့ မေးခွန်းပါပဲ။ ငါလဲ စဉ်းစားမိသမျှလေးကို တစ်ခါက ရေးခဲ့ဖူးသေးသလား မသိဘူး။ ကောင်းကောင်းမမှတ် မိတော့ဘူး။ ထားလိုက်ပါတော့လေ။
ဟိုး ရှေးခေတ်က ငါတို့မှာ ပုလင်းတွေ ဘာတွေမရှိကြဘူး။ ဒီတော့ ပုလင်းလိုနေရာမျိုးမှာ ဝါးကို သုံးခဲ့ကြရတယ်။ ဝါးကလဲ ငါတို့ တိုင်းပြည်မှာ ထီးရိုးဝါး၊ မျှင်ဝါး၊ ကြသောင်းဝါး၊ ဝါးပိုးဝါး စသည်အားဖြင့်
အရွယ်မျိုးစုံ အထူအပါးမျိုး စုံရှိတယ်။ ဒီတော့ ဝါးကျည်တောက် အရွယ်မျိုးစုံ
ရနိုင်တာပေါ့။ ဆေးကို သင့်ရာသင့်ရာ ဝါးကျည်တောက်
ကလေးတွထဲမှာထည့်ပြီးဖေါ့ဆိုနဲ
တောက်ကလေးတွေကို အိတ်ထဲ ထည့်ပြီး သယ်ယူကြတယ်။ ဆေးဆရာ တစ်ယောက်ကို
သွားပင့်ပြီဆိုရင် ဆရာက ဆေးဝါးလေးတွေ ထည့်ထားတဲ့ ဆေးအိတ်ကိုလွယ်ပြီး လိုက်
လာတာကိုး။ ဆေးဝါးမပြည့်စုံဘူး ဆိုတာက သူလိုချင်တဲ့
ဆေးပါမလာဘူးလို့ပြောချင်တာပေါ့။
ပထမစပြီး သုံးခဲ့တာက ဆေး ထည့်တဲ့ဝါးကျည်တောက်ကိုစွဲပြီး သုံးခဲ့တာပဲ။ နောက်တော့ ဆေးနဲ့ဝါး ကိုခွဲလို့မရတော့ဘူး။ ဥပမာ- ဆေးထုတ်လုပ်ရေး ဆိုပါတော့။ ဘာဆေး ထုတ်လုပ်တာမှန်း မသိတော့ဘူး။ အိမ် သုတ်တဲ့ဆေးလား၊
ဆေးလိပ်သောက် တဲ့ ဆေးရွက်ကြီးလား ဆိုတာမျိုး ဝေဝါးနိုင်တယ်။ ဒါကြောင့်
ဆေးနဲ့ဝါးဟာ တွဲဘက်ဖြစ်သွားပြီ။ ခွဲလို့မရတော့ဘူး။
ပြောရင်းမှ သတိရလာ ပြန်တယ်။ ရှေးခေတ်က ဆေးလိပ်ဝါး ဆိုတာလဲ ရှိသေးတယ်။ ငါလဲ ဂျပန် ခေတ်ကမှ သေချာမြင်ဖူးခဲ့တာပါ။ ငါတို့မြန်မာတွေက များသောအားဖြင့် ဆေးပေါ့လိပ်ကို သောက်ကြတယ် မဟုတ်လား။ ဒီတော့ စီးကရက်တို့
ဘာတို့လို တစ်ဆက်တည်း ကုန်သွားအောင် သောက်ကြတာ မဟုတ်ဘူး။
တစ်ပိုင်းတစ်စလောက်မှာ ခဏရပ် ထားတတ်ကြတယ်။ ဒီအခါမှာ ဆေးလိပ်အခေါင်း
ထွက်မသွားအောင် ဝါးကျည်တောက် ကလေးထဲကို တစ်ပိုင်းလျှိုပြီး ထားတတ်ကြတယ်။
ဆေးလိပ်မီးကလဲ အလိုလို ငြိမ်းသွားတာပေါ့။ နောက်တစ်ခါ
သောက်ချင်ပြန်တော့လဲမှ ဆေးလိပ်ကိုထုတ်၊ မီးညှိ ပြီးသောက်ပြန်တယ်။
ဒီခေတ်မှာတော့ သနပ်ဖက် ဆေးလိပ်ကို သောက်ကြတယ်။ အညာဘက်မှာတော့ဖြင့် ပြောင်းဖူး ဖက်ကိုသောက်ကြတာ ဒီနေ့တိုင်ပါပဲ။ ပြောင်းဖူးဖက်လိပ် ဆိုတာက အတုတ်ကြီးပဲ။ လုံးပတ်သုံးလက်မ လောက်ရှိမယ် ထင်တယ်။ အဲဒီဆေး လိပ်ညှိပြီး
သောက်စမှာ အရသာမရှိလှဘူး။ တစ်မီးသတ်ပြီး ပြန်ညှိ သောက်လိုက်မှအရသာရှိလာတာ။
ဒီတော့ ဆေးလိပ်ကျည်တောက်ထဲထည့်ပြီးမီး
အဲဒီကျည်တောက်(ဆေးလိပ်ဝါး)ကို တရိုတသေ ထားတာ။ ကလေးတွေ ဘာတွေဆော့ကြလို့
ဆေးလိပ်ဝါးကို တိုးမိတိုက်မိပြီး ဆေးလိပ်အခေါင်း ထွက်သွားရင်
သိပ်စိတ်ဆိုးကြတာပဲ။ ဆိုရိုးစကားလေးတစ်ခုတောင် ရှိခဲ့ဖူးသေးတယ်။
”စပါး-စကုဖျတ်၊ မယားတစ်ခုလပ်၊ ဆေး-တမီး သတ်”တဲ့။ အဲဒီခေတ်က စကုဗျတ်
ဆန်ဆိုတာ ဒီခေတ်ပေါ် ဆန်းမွှေးတို့၊ ဘာတို့လို
အလွန်နာမည်ကြီးခဲ့တယ်လို့ပြော
မေး ။ ။ ဆေးဝါးကိုနားလည်ပါပြီ ဆရာ။ ဒါပေမယ့် ဆေးဘူးလို့လဲခေါ် တာရှိသေးတယ်မဟုတ်လား။
ဖြေ ။ ။ အေး-ဟုတ်တယ်။ ငါသိ သလောက်တော့ ဘူးသီးကပါလာ တာပါပဲ။ ဟိုရှေးခေတ်က ဘူးသီး ခြောက်ကိုလဲ အရည်ထည့်စရာအဖြစ် သုံးကြသေးတာကိုး။ ဒီခေတ်ကျိုက် ထီးရိုးပွဲတော်ကရတဲ့ လည်ပင်းသိမ် ဘူးသီးမျိုးတွေပေါ့။
ခြောက်သွားတဲ့ အခါမှာ အပေါက်ကလေးဖောက် (နားထွင်း)ပြီး အထဲက အစေ့တွေကို
ထုတ်ပစ်တယ်။ ပြီးတော့မှ ရေဘူး၊ ဆီဘူးအဖြစ်သုံးကြရတယ်။ ဆေးမှာ လဲအရည်ကျတော့
အဲဒီလိုပဲ ဘူးသီး ခြောက်မှာထည့်ကြတယ်လို့ယူဆရတာပဲ
ခုမှသတိရလာလို့ပြောလိုက်ရဦးမယ်
သေနတ်ကျည်ဆန်ဆိုတာ အဲဒီကလာတာပဲ။ ဒီအရင်က သေနတ်တွေ အမြောက်တွေ
ပစ်ပုံပစ်နည်းက သေနတ်ပြောင်းဝနေပြီး ယမ်းမှုန့်တွေထည့်၊ နောက်ပြီးမှ
အမြောက်ဆန်၊ သေနတ်ဆန်ကိုထည့်ပြီး ယမ်းကိုမီးရှို့လိုက်ရတာကိုး။ ရှေးခေတ်
ရာဇဝင် ရုပ်ရှင်ကားတွေထဲမှာ တွေ့ကြဖူးမှာပေါ့။ နောက်မှယမ်းရော၊
အဆန်ရောထည့်ထားတဲ့ ကျည်ဆန်ပေါ်လာတာ။ တစ်ဘက်ပိတ်ပြွန်နဲ့ လုပ်ထားတဲ့
သေနတ်ဆန်ပေါ့။ ဒါကို ကျည်ဆန်လို့ ခေါ်ကြတာပဲ။ ခုတော့ဖြင့် ကျည်လို့ပဲ
ခေါ်နေကြပြီ မဟုတ်လား။
မေး ။ ။ တစ်ခုမေးချင်တာ ရှိသေးတယ်ဆရာ။ ရွှေနဲ့ပတ်သက်တာပါ။ ရွှေဈေးတွေပြောရင်း အခေါက်ဈေး၊ အခေါက်ရွှေလို့ ပြောတတ်ကြတယ်။ ကျွန်တော်တို့က အခေါက်ဆိုရင် ဝက်
သားခေါက်ချည်းပဲမြင်နေကြတယ်။အဲ
ဖြေ ။ ။ အေး-ဟုတ်တယ်။ မင်းတို့ လို လူငယ်အတော်များများက အခေါက်ဆိုတာကို မသိကြတော့ဘူး။ တို့ငယ်ငယ်တုန်းကတော့ သတင်းစာ ထဲမှာ ရွှေဈေးနှုန်းသတင်းမှာ ပုရပိုဒ် ခေါက်ရွှေ လို့ အပြည့်အစုံထည့်ရေး တယ်။ ခုတော့ဖြင့်
ပုရပိုဒ်ခေါက်လို့ မပြောကြတော့ဘူး။ အခေါက်လို့ပဲ ပြောကြတော့တယ်။
ဒီတော့ရင်းမြစ် ကပျောက်သွားတော့တာပေါ့။
ဒီလိုကွယ့်၊ ရွှေတို့၊ ခဲတို့၊ ကြေး နီတို့ဟာ ဘာသတ္တုမှ မရောနှောဘဲ သန့်စင်နေရင် အလွန်ပျော့ပျောင်းတယ်။ မင်းတို့ဝိုင်ယာကြိုး ကြေးနီလေးတွေကို ကြည့်ပါလား။ ဘယ်လောက် ပျော့ပြောင်းသလဲ။ အဲဒီလိုပဲ ရွှေစစ်လာရင်
အလွန်ပျော့တယ်။ ဒီတော့ အပြားခတ်ထားပြီး ပုရပိုဒ် ခေါက်သလို မင်းတို့ခေတ်
တရုတ် ယပ်တောင်ခေါက်သလို ဘယ်ပြန် ညာပြန်ခေါက်ထားလေ့ရှိတယ်။ အဲဒါ ကြောင့်
ပုရပိုဒ်ခေါက်လို့ ခေါ်ခဲ့ကြတာ။ ခုတော့အတိုချုပ်ပြီးအခေါက်လို့ေ
အဲဒါတွေက ငါမှတ်သားဖူးသလောက် ရေးခဲ့တာတွေပါပဲ။ မှားတယ်ထင်ရင်၊ ပိုပြီးကောင်းတဲ့ အယူအဆ ရှိရင်လဲ ငါ့ဆီကို ဈေးကွက်ကတစ်ဆင့် စာရေးလိုက်ကြပါ။ သုတ ကောင်းမှုပြုတဲ့ သဘောပေါ့။
အောင်သင်း
No comments:
Post a Comment